ziist āzār huī jaatī hai saañs talvār huī jaatī hai jism be-kār huā jaatā hai ruuh bedār huī jaatī hai kaan se dil meñ utartī nahīñ baat aur guftār huī jaatī hai Dhal ke niklī hai haqīqat jab se kuchh pur-asrār huī jaatī hai ab to har zaḳhm kī muñh-band kalī lab-e-iz.hār huī jaatī hai

marūñ to maiñ kisī chehre meñ rañg bhar jā.ūñ ‘nadīm’ kaash yahī ek kaam kar jā.ūñ ye dasht-e-tark-e-mohabbat ye tere qurb kī pyaas jo izn ho to tirī yaad se guzar jā.ūñ mirā vajūd mirī ruuh ko pukārtā hai tirī taraf bhī chalūñ to Thahar Thahar jā.ūñ tire jamāl kā partav hai sab hasīnoñ par

ejaaz hai ye terī pareshāñ-nazarī kā ilzām na dhar ishq pe shorīda-sarī kā is vaqt mire kalba-e-ġham meñ tirā aanā bhaTkā huā jhoñkā hai nasīm-e-saharī kā tujh se tire kūche kā pata pūchh rahā huuñ is vaqt ye aalam hai mirī be-ḳhabarī kā ye farsh tire raqs se jo guuñj rahā hai hai arsh-e-mo.allā mirī

tū bigaḌtā bhī hai ḳhaas apne hī andāz ke saath phuul khilte haiñ tire sho.ala-e-āvāz ke saath ek baar aur bhī kyuuñ arz-e-tamannā na karūñ ki tū inkār bhī kartā hai ajab naaz ke saath lai jo TuuTī to sadā aa.ī shikast-e-dil kī rag-e-jāñ kā koī rishta hai rag-e-sāz ke saath tū pukāre to chamak

go mire dil ke zaḳhm zaatī haiñ in kī Tīseñ to kā.enātī haiñ aadmī shash-jahāt kā dūlhā vaqt kī gardisheñ barātī haiñ faisle kar rahe haiñ arsh-nashīñ āfateñ aadmī pe aatī haiñ kaliyāñ kis daur ke tasavvur meñ ḳhuun hote hī muskurātī haiñ tere vaade hoñ jin ke shāmil-e-hāl vo umañgeñ kahāñ samātī haiñ

ik mohabbat ke evaz arz-o-samā de dūñgā tujh se kāfir ko to maiñ apnā ḳhudā de dūñgā justujū bhī mirā fan hai mire bichhḌe hue dost jo bhī dar band milā us pe sadā de dūñgā ek pal bhī tire pahlū meñ jo mil jaa.e to maiñ apne ashkoñ se use āb-e-baqā de dūñgā ruḳh

bārish kī rut thī raat thī pahlū-e-yār thā ye bhī tilism-e-gardish-e-lail-o-nahār thā kahte haiñ log auj pe thā mausam-e-bahār dil kah rahā hai arbada-e-zulf-e-yār thā ab to visāl-e-yār se behtar hai yād-e-yār maiñ bhī kabhī fareb-e-nazar kā shikār thā tū merī zindagī se bhī katrā ke chal diyā tujh ko to merī maut pe bhī

terī mahfil bhī mudāvā nahīñ tanhā.ī kā kitnā charchā thā tirī anjuman-ārā.ī kā dāġh-e-dil naqsh hai ik lāla-e-sahrā.ī kā ye asāsa hai mirī bādiya-paimā.ī kā jab bhī dekhā hai tujhe ālam-e-nau dekhā hai marhala tai na huā terī shanāsā.ī kā vo tire jism kī qauseñ hoñ ki mehrāb-e-haram har haqīqat meñ milā ḳham tirī añgḌā.ī

umr bhar us ne isī tarah lubhāyā hai mujhe vo jo is dasht ke us paar se laayā hai mujhe kitne ā.īnoñ meñ ik aks dikhāyā hai mujhe zindagī ne jo akelā kabhī paayā hai mujhe tū mirā kufr bhī hai tū mirā īmān bhī hai tū ne luuTā hai mujhe tū ne basāyā hai

shaam ko sub.h-e-chaman yaad aa.ī kis kī ḳhushbu-e-badan yaad aa.ī jab ḳhayāloñ meñ koī moḌ aayā tere gesū kī shikan yaad aa.ī yaad aa.e tire paikar ke ḳhutūt apnī kotāhī-e-fan yaad aa.ī chāñd jab duur ufuq par Duubā tere lahje kī thakan yaad aa.ī din shuāoñ se ulajhte guzrā raat aa.ī to kiran yaad aa.ī