ham kabhī ishq ko vahshat nahīñ banñe dete dil kī tahzīb ko tohmat nahīñ banñe dete lab hī lab hai to kabhī aur kabhī chashm hī chashm naqsh tere tirī sūrat nahīñ banñe dete ye sitāre jo chamakte haiñ pas-e-abr-e-siyāh tere ġham ko mirī aadat nahīñ banñe dete un kī jannat bhī koī dasht-e-balā hī

daavā to kiyā husn-e-jahāñ-soz kā sab ne duniyā kā magar ruup baḌhāyā tirī chhab ne tū niind meñ bhī merī taraf dekh rahā thā sone na diyā mujh ko siyah-chashmi-e-shab ne har zaḳhm pe dekhī haiñ tire pyaar kī mohreñ ye gul bhī khilā.e haiñ terī surḳhi-e-lab ne ḳhushbu-e-badan aa.ī hai phir mauj-e-sabā se phir

chāñd us raat bhī niklā thā magar us kā vajūd itnā ḳhūñ-rañg thā jaise kisī ma.asūm kī laash taare us raat bhī chamke the magar is Dhab se jaise kaT jaa.e koī jism-e-hasīñ qāsh-ba-qāsh itnī bechain thī us raat mahak phūloñ kī jaise maañ jis ko ho kho.e hue bachche kī talāsh peḌ chīḳh uThte

mudāvā habs kā hone lagā āhista āhista chalī aatī hai vo mauj-e-sabā āhista āhista zarā vaqfa se niklegā magar niklegā chāñd āḳhir ki sūraj bhī to maġhrib meñ chhupā āhista āhista koī suntā to ik kohrām barpā thā havāoñ meñ shajar se ek pattā jab girā āhista āhista abhī se harf-e-ruḳhsat kyuuñ jab aadhī raat

sūraj ko nikalnā hai so niklegā dobārā ab dekhiye kab Dūbtā hai sub.h kā taarā maġhrib meñ jo Duube use mashriq hī nikāle maiñ ḳhuub samajhtā huuñ mashiyyat kā ishārā paḌhtā huuñ jab us ko to sanā kartā huuñ rab kī insān kā chehra hai ki qur.ān kā paara jī haar ke tum paar na

ajiib rañg tire husn kā lagāv meñ thā gulāb jaise kaḌī dhuup ke alaav meñ thā hai jis kī yaad mirī fard-e-jurm kī surḳhī usī kā aks mire ek ek ghaav meñ thā yahāñ vahāñ se kināre mujhe bulāte rahe magar maiñ vaqt kā dariyā thā aur bahāv meñ thā urūs-e-gul ko sabā jaise gudgudā

jo log dushman-e-jāñ the vahī sahāre the munāfe the mohabbat meñ ne ḳhasāre the huzūr-e-shāh bas itnā hī arz karnā hai jo iḳhtiyār tumhāre the haq hamāre the ye aur baat bahāreñ gurez-pā niklīñ guloñ ke ham ne to sadqe bahut utāre the ḳhudā kare ki tirī umr meñ gine jaa.eñ vo din jo ham

ajab surūr milā hai mujhe duā kar ke ki muskurāyā ḳhudā bhī sitāra vā kar ke gadā-gadī bhī ik uslūb-e-fan hai jab maiñ ne usī ko maañg liyā us se iltijā kar ke shab-e-firāq ke har jabr ko shikast huī ki maiñ ne sub.h to kar lī ḳhudā ḳhudā kar ke ye soch kar ki

maiñ kisī shaḳhs se bezār nahīñ ho saktā ek zarra bhī to be-kār nahīñ ho saktā is qadar pyaar hai insāñ kī ḳhatāoñ se mujhe ki farishta mirā me.aar nahīñ ho saktā ai ḳhudā phir ye jahannam kā tamāshā kiyā hai terā shahkār to finnār nahīñ ho saktā ai haqīqat ko faqat ḳhvāb samajhne vaale

āḳhirī baar añdhere ke pujārī sun leñ maiñ sahar huuñ maiñ ujālā huuñ haqīqat huuñ maiñ maiñ mohabbat kā to detā huuñ mohabbat se javāb lekin a.adā ke liye qahr-o-qayāmat huuñ maiñ mirā dushman mujhe lalkār ke jā.egā kahāñ ḳhaak kā taish huuñ aflāk kī dahshat huuñ maiñ