nāsehā tujh ko ḳhabar kyā ki mohabbat kyā hai
nāsehā tujh ko ḳhabar kyā ki mohabbat kyā hai roz aa jaatā hai samjhātā hai yuuñ hai yuuñ hai
nāsehā tujh ko ḳhabar kyā ki mohabbat kyā hai roz aa jaatā hai samjhātā hai yuuñ hai yuuñ hai
maiñ bhī palkoñ pe sajā lūñgā lahū kī būñdeñ tum bhī pā-basta-e-zanjīr-e-hinā ho jaanā
har tarah kī be-sar-o-sāmāniyoñ ke bāvajūd aaj vo aayā to mujh ko apnā ghar achchhā lagā
sāqiyā ek nazar jaam se pahle pahle ham ko jaanā hai kahīñ shaam se pahle pahle
jo ġhazal aaj tire hijr meñ likkhī hai vo kal kyā ḳhabar ahl-e-mohabbat kā tarāna ban jaa.e
ye kaun phir se unhīñ rāstoñ meñ chhoḌ gayā abhī abhī to azāb-e-safar se niklā thā
maiñ ḳhud ko bhuul chukā thā magar jahāñ vaale udaas chhoḌ ga.e ā.īna dikhā ke mujhe
hujūm aisā ki rāheñ nazar nahīñ ātīñ nasīb aisā ki ab tak to qāfila na huā
bahut dinoñ se nahīñ hai kuchh us kī ḳhair ḳhabar chalo ‘farāz’ ko ai yaar chal ke dekhte haiñ
kisī dushman kā koī tiir na pahuñchā mujh tak dekhnā ab ke mirā dost kamāñ kheñchtā hai
Recent Poetry
ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī
janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat
vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai
ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā