laboñ pe narm tabassum rachā ke dhul jaa.eñ
ḳhudā kare mire aañsū kisī ke kaam aa.eñ
jo ibtidā-e-safar meñ diye bujhā baiThe
vo bad-nasīb kisī kā surāġh kyā paa.eñ
talāsh-e-husn kahāñ le chalī ḳhudā jaane
umañg thī ki faqat zindagī ko apnā.eñ
bulā rahe haiñ ufuq par jo zard-rū Tiile
kaho to ham bhī fasānoñ ke raaz ho jaa.eñ
na kar ḳhudā ke liye baar baar zikr-e-bahisht
ham āsmāñ kā mukarrar fareb kyuuñ khā.eñ
tamām mai-kada sunsān mai-gusār udaas
laboñ ko khol ke kuchh sochtī haiñ mīnā.eñ
ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī
janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat
vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai
ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā
