wahshaten baDhti gain hijr ke aazar ke sath

Share on facebook
Facebook
Share on twitter
Twitter
Share on linkedin
LinkedIn

vahshateñ baḌhtī ga.iiñ hijr ke āzār ke saath

ab to ham baat bhī karte nahīñ ġham-ḳhvār ke saath

ham ne ik umr basar kī hai ġham-e-yār ke saath

‘mīr’ do din na jiye hijr ke āzār ke saath

ab to ham ghar se nikalte haiñ to rakh dete haiñ

taaq par izzat-e-sādāt bhī dastār ke saath

is qadar ḳhauf hai ab shahr kī galiyoñ meñ ki log

chaap sunte haiñ to lag jaate haiñ dīvār ke saath

ek to ḳhvāb liye phirte ho galiyoñ galiyoñ

us pe takrār bhī karte ho ḳharīdār ke saath

shahr kā shahr hī nāseh ho to kyā kījiyegā

varna ham rind to bhiḌ jaate haiñ do-chār ke saath

ham ko us shahr meñ ta.amīr kā saudā hai jahāñ

log me.amār ko chun dete haiñ dīvār ke saath

jo sharaf ham ko milā kūcha-e-jānāñ se ‘farāz’

sū-e-maqtal bhī ga.e haiñ usī pindār ke saath

Poets
  • ADIL MANSURI116 Post(s)
  • AHMAD FARAZ337 Post(s)
  • Ahmad Nadeem Qasmi82 Post(s)
  • Allama Iqbal494 Post(s)
  • Mirza ghalib52 Post(s)
English Poets
  • Emily Angel31 Post(s)
  • Emily Dean13 Post(s)
  • Emily Huntington Miller7 Post(s)
  • Emily Knight13 Post(s)
  • Emily Liang26 Post(s)
  • Emily Wilson17 Post(s)
  • Robert Frost191 Post(s)
  • Rumi148 Post(s)
  • William Shakespeare376 Post(s)
On Trend

Popular Poetry

tazmin

ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī

safed chhaDiyan

janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat

diwar-e-girya

vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai

mujassama

ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā

%d bloggers like this: